ಸಂವಿಧಾನ ಶಿಲ್ಪಿ ಡಾ ಬಾಬಾ ಸಾಹೇಬ್ ಅಂಬೇಡ್ಕರ್ ಭಾವ ಚಿತ್ರ ಮುಚ್ಚಿ ಗೃಹಲಕ್ಷ್ಮಿ ಬ್ಯಾನರ್ ಅಳವಡಿಸಿ ಅಪಮಾನ – ದಲಿತ ಸಂಘಟನೆಗಳ ಅಸಮಧಾನ.

Shyamala Nagesh 2 weeks ago Leave a comment

ಪ್ರತಿಧ್ವನಿ ಯಲ್ಲಾಪುರ : ಸಂವಿಧಾನ ಶಿಲ್ಪಿ ಡಾ ಬಾಬಾ ಸಾಹೇಬ್ ಅಂಬೇಡ್ಕರ್ ಭಾವಚಿತ್ರ ಅಳವಡಿಸಿದ್ದ ಬೃಹತ್ ಫಲಕಕ್ಕೆ ಸರ್ಕಾರದ ಗ್ಯಾರಂಟಿ ಯೋಜನೆಯ ಗೃಹ ಲಕ್ಷ್ಮೀ ಯೋಜನೆಯು 3 ವರ್ಷ ತುಂಬಿದ ಪ್ರಚಾರ ಪರದೆಯನ್ನು ಅಳವಡಿಸಿದ್ದು ಸ್ಥಳೀಯ ದಲಿತ ಸಂಘಟನೆಗಳ ಅಸಮಧಾನಕ್ಕೆ ಕಾರಣವಾಗಿದೆ.
ಈ ಸಂಬಂಧ ತೊಗಲು ಅರಳಯ್ಯ ಟ್ರಸ್ಟ್ ಅಧ್ಯಕ್ಷ ದಲಿತ ಮುಖಂಡ ಜಗನ್ನಾಥ ರೇವಣ್ಕರ್ ತೀವ್ರ ಅಸಮಧಾನ ವ್ಯಕ್ತಪಡಿಸಿದ್ದು ಈ ಕೃತ್ಯ ಎಸಗಿದವರ ವಿರುದ್ದ ಕ್ರಮಕ್ಕೆ ಆಗ್ರಹಿಸಿದ್ದಾರೆ.

ಬದಲಿಸಿರುವುದು ಯಾವುದೊ ಕಾರ್ಯಕ್ರಮದ ಜಾಹಿರಾತು ಫಲಕವಲ್ಲ ಬದಲಾಗಿ ಪಟ್ಟಣದ ಪ್ರಮುಖ ಅಂಬೇಡ್ಕರ್ ವೃತ್ತದಲ್ಲಿನ ಈ ಫಲಕದಲ್ಲಿ ಪ್ರತಿ ವರ್ಷ ಅಂಬೇಡ್ಕರ್ ಜಯಂತಿ ವಿಜ್ರಂಭಣೆಯಿಂದ ಆಚರಿಸುವ ಸಂದರ್ಭದಲ್ಲಿ ಹೊಸದಾದ ಬೃಹತ್ ಪರದೆಯನ್ನು ಈ ಹೋಲ್ಡಿಂಗ್ ನಲ್ಲಿ ಅಳವಡಿಸಲಾಗುತ್ತದೆ.

ಅದನ್ನು ಸ್ಥಳೀಯ ಶಾಸಕರ ಕೈಯಲ್ಲಿ ಉದ್ಘಾಟನೆ ಮಾಡಿಸಲಾಗಿದೆ. ಈ ಫಲಕದ ಮೇಲೆ ಮತ್ತು ಆ ವೃತ್ತದ ಮೇಲೆ ವಿಶೇಷವಾಗಿ ದಲಿತ ಸಮುದಾಯದವರಲ್ಲಿ ಭಾವನಾತ್ಮಕ ಸಂಬಂಧವಿದ್ದು ಆ ಭಾವನೆಗೆ ದಕ್ಕೆತಂದಿದ್ದಾರೆ ಎಂಬುದು ಹಲವು ದಲಿತ ಮುಖಂಡರ ಆಕ್ರೋಶದ ನುಡಿಗಳಾಗಿದೆ.

ಕನಿಷ್ಟಪಕ್ಷ ಸೌಜನ್ಯಕ್ಕು ಈ ಕುರಿತು ಸ್ಥಳೀಯ ದಲಿತ ಮುಖಂಡರ ಗಮನಕ್ಕು ತರದೆ‌ ಬಾಬಾ ಸಾಹೇಬರ ಭಾವಚಿತ್ರ ಮುಚ್ಚಿ ಸರ್ಕಾರದ ಜಾಹಿರಾತು ಪರದೆ ಹಾಕಿರುವುದು ಅಕ್ಷಮ್ಯವಾಗಿದ್ದು ಸಂಬಂಧಿಸಿದ ಇಲಾಖೆ ಸ್ಪಷ್ಟನೆ ಕೊಡಬೇಕಿದೆ ಮತ್ತು ಕ್ರಮ ಜರುಗಿಸಬೇಕಿದೆ ಎಂಬುದು ಹಿರಿಯ ದಲಿತ ಮುಖಂಡ ಜಗನ್ನಾಥ ರೇವಣಕರ ಅವರ ಆಗ್ರಹವಾಗಿದೆ