Prathidvani Yellapura
Related Articles
ಯಲ್ಲಾಪುರ ಗ್ರಾಮದೇವಿ ಅನುಗ್ರಹದಲ್ಲಿ ಶ್ಯಾಮಲಾ ನಾಗೇಶ್ ಲೇಖನಿಯಲ್ಲಿ ಪ್ರತಿಧ್ವನಿ ಯಲ್ಲಾಪುರ
ಪ್ರತಿಧ್ವನಿ ಯಲ್ಲಾಪುರ : ಪಟ್ಟಣದ ಮೀನು ಮತ್ತು ಮಾಂಸ ಮಾರುಕಟ್ಟೆಯಲ್ಲಿ ಕಾಟ್ಲ ಮೀನುಗಳ ಸುಗ್ಗಿಯಾಗಿದೆ. ಕಳೆದ ಕೆಲವು ದಿನಗಳಿಂದ ಯತೇಚ್ಚವಾಗಿ ನದಿ ಮೀನುಗಳು ಮಾರಾಟಕ್ಕೆ ಲಗ್ಗೆ ಇಡುತ್ತಿದ್ದು ಹೆಚ್ಚಿನ ತೂಕದ ಕಾಟ್ಲ,ಕನ್ನಡಿ, ರವು ಮೀನುಗಳು ಗ್ರಾಹಕರನ್ನು ಸೆಳೆಯುತ್ತಿದೆ.
ವರ್ಷಪೂರ್ತಿ ವಿವಿಧ ಜಾತಿಯ ಸಮುದ್ರ ಮೀನು ಮಾರುಕಟ್ಟೆ ಆವರಿಸಿದ್ದರೆ ಯಲ್ಲಾಪುರದ ಮಾರುಕಟ್ಟೆಯಲ್ಲಿ ಮಳೆಗಾಲದಲ್ಲಿ ನದಿ ಮೀನುಗಳ ರಾಜ್ಯಭಾರ ಹೆಚ್ಚು.
ಈ ಬಾರಿ ಕಳೆದೆರಡು ದಿನಗಳಿಂದ ಹೆಚ್ಚಿನ ತೂಕದ ಕಾಟ್ಲ ಮೀನುಗಳು ಮಾರಾಟಕ್ಕೆ ಬಂದಿದ್ದು ರವಿವಾರ 36 ಕೆ.ಜಿ ತೂಕದ ಮೀನು ಮಾರುಕಟ್ಟೆಗೆ ಬಂದಿದ್ದು ಇದು ಭಾಗವತಿ ಡ್ಯಾಮ್ ನಿಂದ ತಂದದಾಗಿತ್ತು ಬಸವರಾಜ್ ಮತ್ತು ಮುಷ್ತಾಕ್ ಅವರ ತಂಡ ಈ ಮೀನಿನ ವ್ಯಾಪಾರ ನಡೆಸಿದ್ದರು ಅಪರೂಪದ ಹೆಚ್ಚು ತೂಕದ ಮೀನಾದ್ದರಿಂದ ಕ್ಷಣ ಮಾತ್ರದಲ್ಲಿ ಗ್ರಾಹಕರು ಮುಗಿಬಿದ್ದು ಖರೀದಿಸಿದ್ದರು.
ಬುಧವಾರ ಮಾರುಕಟ್ಟೆಗೆ 30 ಕೆಜಿಗು ಅಧಿಕ ತೂಕದ ಉತ್ತಮ ಕಾಟ್ಲ ಮೀನು ಮಾರುಕಟ್ಟೆಗೆ ವ್ಯಾಪಾರಕ್ಕೆ ಬಂದಿತ್ತು. ಜ್ಞಾನೇಶ್ವರ ಮತ್ತು ಬಶೀರ್ ಮೀನಿನ ವ್ಯಾಪಾರ ನಡೆಸಿದ್ದರು. ಕಾಟ್ಲ ಪ್ರಿಯರು ಸಂತಸದಿಂದ ಮೀನನ್ನು ಕೊಂಡು ಹೋದರು.
ಒಟ್ಟಿನಲ್ಲಿ ಪ್ರಸಕ್ತ ವರ್ಷದ ಮಳೆಗಾಲದಲ್ಲಿ ನದಿ ಮೀನು ಸೇವಿಸುವ ಪ್ರಿಯರಿಗೆ ಕಾಟ್ಲ ಮೀನುಗಳ ಸುಗ್ಗಿಯಾಗಿದೆ. ಗ್ರಾಹಕರು ತಮಗಿಷ್ಟವಾದ ದೊಡ್ಡ ಗಾತ್ರದ ಮೀನನ್ನು ಖರೀದಿಸುತ್ತಿದ್ದು ಬೆಲೆ ಕೆಜಿಗೆ 300 ಆಗಿದೆ.
