Prathidvani Yellapura
Related Articles
ಪ್ರತಿಧ್ವನಿ ಯಲ್ಲಾಪುರ : ಬುಡಕಟ್ಟು ಸಿದ್ದಿ ಸಮುದಾಯದ ಆರ್ಥಿಕವಾಗಿ ಸದೃಡವಾಗಲು ಸ್ಥಾಪಿತವಾದ ಸೈಹ್ಯಾದ್ರಿ ಗಿರಿಜನ ದೊಡ್ಡ ಪ್ರಮಾಣದ ವಿವಿಧೋದ್ದೇಶಗಳ ಸಹಕಾರಿ ಸಂಘದಲ್ಲಿ ಇತ್ತೀಚಿನ ಬೆಳವಣಿಗೆ ಸರಿ ಇಲ್ಲ ಎಂಬ ಅನುಮಾನ ಕಾಡಲು ಪ್ರಾರಂಭವಾಗಿದೆ.
ವಾರ್ಷಿಕವಾಗಿ ಸರ್ಕಾರಿ ನಿಯಮಾವಳಿಯಂತೆ ನಡೆಸಲೇಬೇಕಾದ ಸರ್ವ ಸಾದಾರಣ ಸಭೆಯು ನಡೆಸದಿರುವುದು ಈ ಎಲ್ಲಾ ಅನುಮಾನಗಳಿಗೆ ಪುಷ್ಟಿ ನೀಡುತ್ತದೆ.
ಸಂಘವೆ ನಿರ್ಣಯಿಸಿ ಸರ್ವ ಸಾದಾರಣ ಸಭೆಯ ಕರೆಯೋಲೆ ಎಲ್ಲಾ ಸದಸ್ಯರಿಗು ನೀಡಿದ್ದು ಯಲ್ಲಾಪುರದ ವೆಂಕಟರಮಣ ಮಠದಲ್ಲಿ ದಿನಾಂಕ 24-9-26 ರಂದು ನಡೆಸಬೇಕಿತ್ತು ಆದರೆ ಸಭೆಗೆ ಹೋದವರಿಗೆ ಅಲ್ಲಿ ಶಾಕ್ ಕಾದಿತ್ತು ಕಾರಣ ಸಭೆ ನಡೆಸುವ ಆಡಳಿತ ಮಂಡಳಿ ಸದಸ್ಯರೆ ಅಲ್ಲಿರಲಿಲ್ಲ ಸಭೆ ನಡೆಯಲಿಲ್ಲ ಈ ಮಾಹಿತಿಯನ್ನು ಸಹ ಸದಸ್ಯರಿಗೆ ಪೂರ್ವದಲ್ಲಿ ತಿಳಿಸುವ ಸೌಜನ್ಯವನ್ನು ತೋರದ ಆಡಳಿತ ಮಂಡಳಿ ಪುನಃ ಸಭೆ ನಡೆಸದೆ ಸರ್ಕಾರಿ ಕಾನೂನು ಗಾಳಿಗೆ ತೂರಿದ್ದು. ಆಡಳಿತ ಮಂಡಳಿ ಅಧಿಕಾರದಲ್ಲಿ ಮುಂದುವರೆಯುವ ಯಾವ ನೈತಿಕತೆಯನ್ನು ಉಳಿಸಿಕೊಂಡಿಲ್ಲ.
ಇಷ್ಟೆಲ್ಲಾ ಅವಾಂತರಗಳು ಸಂಘದಲ್ಲಿ ನಡೆಯುತ್ತಿರುವುದು ಕಂಡರೆ ಎಲ್ಲೋ ಏನೋ ಸಮಸ್ಯೆ ಇದೆ ಎಂಬುದು ಮೇಲ್ನೋಟಕ್ಕೆ ಗೋಚರಿಸುತ್ತಿದ್ದು ಸಂಬಂಧಿಸಿದ ಸಹಕಾರಿ ಇಲಾಖೆ ಅಧಿಕಾರಿಗಳು ತನಿಖೆ ಮಾಡಿ ಒಮ್ಮೆ ಸಂಘದ ಆರ್ಥಿಕ ಪರಿಸ್ಥಿತಿ ಸದಸ್ಯರಿಗೆ ತಿಳಿಸಬೇಕಿದೆ ಎಂಬುದು ಶೇರುದಾರ ಸದಸ್ಯರಾದ ನಮೆಲ್ಲರ ಕೋರಿಕೆಯಾಗಿದೆ ಎಂದು ಸಂಘದ ಸದಸ್ಯರುಗಳಾದ ಗೋಪಾಲ ರಾಮ ಸಿದ್ದಿ, ಲಾರೆನ್ಸ್‌ ಕೈತಾನ್ ಸಿದ್ದಿ, ಜೊನ್ ಕೋಸ್ತಾ ಸಿದ್ದಿ, ಗಣಪತಿ ಆರ್ ಸಿದ್ದಿ, ಶಂಕರ್ ಎನ್ ಸಿದ್ದಿ ಸೇರಿದಂತೆ ಹಲವರು ಸಂಘದ ನಡೆಯ ವಿರುದ್ದ ಅಸಮದಾನ ಹೊರಹಾಕಿ ಮಾದ್ಯಮಕ್ಕೆ ಮಾಹಿತಿ ನೀಡಿದ್ದಾರೆ.
