Prathidvani Yellapura
Related Articles
ಪ್ರತಿಧ್ವನಿ ಯಲ್ಲಾಪುರ : ಪಟ್ಟಣದ ಹೆಸರಾಂತ ಕರಕುಶಲ ಕಲಾವಿದರಾದ ಬಿಕ್ಕು ಗುಡಿಗಾರ ಕಲಾಕೇಂದ್ರದ ಪ್ರಮುಖ ಅರುಣ್ ಬಿಕ್ಕು ಗುಡಿಗಾರ್ ಅವರಿಗೆ 2024 ನೆ ಸಾಲಿನ ಕರ್ನಾಟಕ ಶಿಲ್ಪಕಲಾ ಅಕಾಡಮಿ ನೀಡುವ ಪ್ರತಿಷ್ಠಿತ ಶಿಲ್ಪಶ್ರೀ ಪ್ರಶಸ್ತಿ ಪ್ರದಾನ ಮಾಡಲಾಯಿತು.
ಬೆಂಗಳೂರಿನ ಮಲ್ಲತ್ತಳ್ಳಿ ಕಲಾಗ್ರಾಮದಲ್ಲಿ ನಡೆದ ಕರ್ನಾಟಕ ರಾಜ್ಯ ಶಿಲ್ಪಕಲಾ ಪ್ರದರ್ಶನ ಮತ್ತು ಶಿಲ್ಪಶ್ರೀ ಪ್ರಶಸ್ತಿ ಪ್ರಧಾನ ಸಮಾರಂಭದಲ್ಲಿ ಪ್ರಶಸ್ತಿ ಪ್ರಧಾನ ಮಾಡಲಾಯಿತು.
ವಿವಿಧ ರಾಷ್ಟ್ರಗಳಲ್ಲಿ ಅರುಣ್ ಬಿಕ್ಕು ಗುಡಿಗಾರರ ಕೆತ್ತನೆಯ ಕೈ ಚಳಕ ಅನಾವರವಾಗಿದೆ ವಿಶೇಷವಾಗಿ ಮರದ ಕೆತ್ತನೆಯ ಸುಂದರ ಮೂರ್ತಿಗಳು ದೇಶ ವಿದೇಶಗಳಲ್ಲಿ ಜೀವಕಳೆ ಪಡೆದುಕೊಂಡಿದೆ. ಹಲವು ಪ್ರತಿಷ್ಠಿತ ದೇವಸ್ಥಾನ ಮತ್ತು ಮಠಗಳಿಗೆ ರಥಗಳನ್ನು ತಯಾರು ಮಾಡಿಕೊಟ್ಟಿದ್ದು ಸಂಪೂರ್ಣ ರಾಮಾಯಣ ಮತ್ತು ಸಂಪೂರ್ಣ ಮಹಾಭಾರತ ಕೆತ್ತನೆಯ ಮಹಾಕಾವ್ಯಗಳಾಗಿ ಹೊರ ಬಂದಿದೆ. ಸ್ವತಃ ದೇಶದ ಪ್ರಧಾನಿ ನರೇಂದ್ರ ಮೋದಿಯವರು ಸಹ ಇವರ ಸುಂದರ ಕೆತ್ತನೆ ಕಂಡು ಪ್ರಶಂಸಿಸಿದ್ದಾರೆ.
ಒಟ್ಟಿನಲ್ಲಿ ಎಂದಿಗೂ ತಮ್ಮ ಕಲೆಯ ಬಗ್ಗೆ ಅಥವ ಪಡೆದ ಪ್ರಶಸ್ತಿಗಳಿಂದ ಅಹಂಕಾರ ಬರದೆ ಸರಳತೆ ಮೈಗೂಡಿಸಿಕೊಂಡು ತಮ್ಮ ವಿದ್ಯೆಯನ್ನು ತಮ್ಮ ಕಲಾಕೇಂದ್ರ ದಲ್ಲಿನ ಆಸಕ್ತರಿಗೆ ಕಲಿಸಿಕೊಡುತ್ತಿದ್ದಾರೆ. ಇಂತಹ ಮಹನಿಯರಿಗೆ ಪ್ರಶಸ್ತಿ ಲಭಿಸಿದ್ದು ಯಲ್ಲಾಪುರ ತಾಲೂಕಿನ ಜನತೆಗೆ ವಿಶೇಷವಾಗಿ ಯಲ್ಲಾಪುರ ಪಟ್ಟಣದ ಜನತೆಗೆ ಸಂತಸ ವಾಗಿದೆ.
