Prathidvani Yellapura
Related Articles
ಪ್ರತಿಧ್ವನಿ ಯಲ್ಲಾಪುರ : ಯಾವುದೇ ಸಂಘಟನೆಗಳು ತಮ್ಮ ಅಸ್ತಿತ್ವ ಬಲಪಡಿಸಿಕೊಂಡರೆ ಅದನ್ನು ಪ್ರತಿನಿಧಿಸುವ ಸಮುದಾಯಕ್ಕೆ ಶಕ್ತಿ ಬರಲಿದೆ. ಆ ನಿಟ್ಟಿನಲ್ಲಿ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಸಂಘಟನೆಗೆ ವಿಶೇಷ ಶಕ್ತಿ ತುಂಬಲು ಯುವ ಸಬಲೀಕರಣ,ಮಹಿಳಾ ಸಬಲೀಕರಣ, ಕೃಷಿ,ಉದ್ಯೋಗ, ಸಮಾಜ ಸೇವೆ, ಕೌಶಲ್ಯಾಭಿವೃದ್ದಿ, ಸಹಕಾರ ಕ್ಷೇತ್ರಗಳ ರಚನೆಗೆ ಒತ್ತು ನೀಡಲಾಗುತ್ತಿದೆ ಯುವ ಮಹಿಳಾ ಮತ್ತು ರೈತ ಸಹಕಾರಿ ಸಂಸ್ಥೆಗಳ ರಚನೆಗೆ ಪೂರ್ವ ತಯಾರಿ ಪ್ರಾರಂಭಗೊಂಡಿದೆ ಎಂದು ಅಖಿಲ ಭಾರತ ವೀರಶೈವ ಲಿಂಗಾಯತ ಮಹಾಸಭಾ ರಾಜ್ಯ ಸಂಘಟನ ಕಾರ್ಯದರ್ಶಿ ಶಿವಲಿಂಗಯ್ಯ ಅಲ್ಲಯ್ಯನವರಮಠ ಮಾಹಿತಿ ಹಂಚಿಕೊಂಡಿದ್ದಾರೆ.
ಈಗಾಗಲೆ ಜಿಲ್ಲೆಯ ಎಲ್ಲಾ ತಾಲೂಕುಗಳಲ್ಲಿ ಅಲ್ಲಿನ ಅಧ್ಯಕ್ಷ,ಉಪಾಧ್ಯಕ್ಷ, ಸಂಘಟನೆಯ ಪ್ರಮುಖರು ಈ ನಿಟ್ಟಿನಲ್ಲಿ ಕಾರ್ಯಪ್ರವೃತ್ತರಾಗಿದ್ದು ಯುವ,ಮಹಿಳಾ ಸಬಲೀಕರಣ, ಕೃಷಿ,ಉದ್ಯೋಗ, ಸಮಾಜಸೇವೆಯಲ್ಲಿ ತೊಡಗಿಸಿಕೊಂಡವರ ಹೆಸರನ್ನು ಶಿಫಾರಸ್ಸು ಮಾಡುವ ಕಾರ್ಯ ಪ್ರಾರಂಭಿಸಿದ್ದಾರೆ.
ಯುವ ಘಟಕಕ್ಕೆ 40 ವರ್ಷ ವಯೋಮಾನದೊಳಗಿನ ಸಮಾಜದ ಆಸಕ್ತ ಯುವಕರು,ಸಮಾಜಮುಖಿ ಚಟುವಟಿಕೆಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಳ್ಳಬಲ್ಲ ಮಹಿಳೆಯರು, ಕೃಷಿ,ಸಹಕಾರಿ,ಸಮಾಜಸೇವೆ ಇತರೆ ಚಟುವಟಿಕೆಗಳಲ್ಲಿ ಪರಿಣಕಾರಿಯಾಗಿ ತೊಡಗಿಸಿಕೊಳ್ಳಬಲ್ಲ ವೀರಶೈವ ಲಿಂಗಾಯತ ಸಮುದಾಯದ ಬಂಧುಗಳು ಆಯಾ ತಾಲೂಕು ಘಟಕದ ಅಧ್ಯಕ್ಷರು,ಉಪಾಧ್ಯಕ್ಷರು, ಪಧಾದಿಕಾರಿಗಳನ್ನು ಸಂಪರ್ಕಿಸಬಹುದಾಗಿದೆ. ಇದು ಸೆ,26 ರೊಳಗೆ ತಿಳಿಸಬೇಕಿದೆ.
ಒಟ್ಟಾರೆ ಸಮುದಾಯದ ಸಂಘಟನೆಯನ್ನು ಬಲಪಡಿಸುವ ದೃಷ್ಟಿಯಿಂದ ಅಭ್ಯರ್ಥಿಗಳ ಅರ್ಹತೆ, ಕ್ರಿಯಾಶೀಲ ಮನೋಭಾವ, ಜವಾಬ್ದಾರಿ ಹೊರುವ ನೈಪುಣ್ಯತೆ, ಹಾಗು ಕ್ರಿಯಾಧೀಲರಾಗಿ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳುವ ಪರಿಯನ್ನು ಅವಲೋಕಿಸಿ ಶಿಫಾರಸ್ಸು ನಾಮನಿರ್ದೇಶನ ಪ್ರಕ್ರಿಯೆ ಜರುಗಲಿದೆ ಎಂದು ತಮ್ಮ ಮಾದ್ಯಮ ಪ್ರಕಟಣೆಯಲ್ಲಿ ಮಾಹಿತಿ ನೀಡಿದ್ದಾರೆ.
