ಅಪ್ರಾಪ್ತರ ಬೈಕ್ ಚಾಲನೆಗೆ ಬಿಸಿ ಮುಟ್ಟಿಸುತ್ತಿದೆ ಯಲ್ಲಾಪುರ ಪೊಲೀಸ್ ಇಲಾಖೆ.

Related Articles

ಯಲ್ಲಾಪುರ ಹೆಸ್ಕಾಂ ಎದುರು ಸಾಮಾಜಿಕ ಕಾರ್ಯಕರ್ತ ತಾರನಾಥ್ ನಾಯ್ಕ್ ಮತ್ತು ತಂಡದಿಂದ ದಿಡೀರ್ ಪ್ರತಿಭಟನೆ.

2 hours ago

ಯಲ್ಲಾಪುರ ಬಸ್ ನಿಲ್ದಾಣದ ಎಜುಕೇಶನ್ ಸ್ಪಾಟ್ ನಲ್ಲಿ “ಅಬಾಕಸ್ ಕ್ಲಾಸ್ ಪ್ರಾರಂಭೋತ್ಸವ “

1 day ago

ಕಿರಾಣಿ ಅಂಗಡಿ ಕುಟುಂಬದ ಮೇಲೆ ದೌರ್ಜನ್ಯ ಜೀವ ಬೆದರಿಕೆ ಹುಣಶೆಟ್ಟಿ ಕೊಪ್ಪದಲ್ಲಿ ನಡೆದ ಘಟನೆ- ಯಲ್ಲಾಪುರ ಠಾಣೆಯಲ್ಲಿ ದೂರು ದಾಖಲು.

2 days ago

ಪ್ರತಿಧ್ವನಿ ಯಲ್ಲಾಪುರ : ಅಪ್ರಾಪ್ತ ವಯಸ್ಸಿನ ಮಕ್ಕಳು ಬೈಕ್ ಚಲಾಯಿಸುವ ಹುಚ್ಚಿಗೆ ಯಲ್ಲಾಪುರ ಪೊಲೀಸರು ಕಟ್ಟುನಿಟ್ಟಿನ ಕ್ರಮ ಜರುಗಿಸುತ್ತಿದ್ದು ಮತ್ತೆ ಮೂವರು ಬೈಕ್ ಮಾಲಿಕರ ಮೇಲೆ ಪ್ರಕರಣ ದಾಖಲಿಸಿ ಬರೋಬ್ಬರಿ 65 ಸಾವಿರ ದಂಢ ಕಟ್ಟಿಸಿದ್ದಾರೆ.

ದಂಡ ವಿಧಿಸಿದ ಮಾನ್ಯ ನ್ಯಾಯಾಲಯ :        

18 ವರ್ಷಗಳಿಗಿಂತ ಕಡಿಮೆ ವಯಸ್ಸಿನವರಿಗೆ ದ್ವಿ ಚಕ್ರ ವಾಹನ ಚಾಲನೆಗೆ ನೀಡಿದ ಮಾಲೀಕರಿಗೆ 199(A) indian motor vehicle act ಅಡಿ 3 ಜನ ವಾಹನ ಮಾಲೀಕರ ಮೇಲೆ ಪ್ರಕರಣ ದಾಖಲು ಮಾಡಿದ್ದು ಮಾನ್ಯ ನ್ಯಾಯಾಲಯ ಒಟ್ಟು 65000 ದಂಡ ವಿಧಿಸಿದೆ.

ಬಿಳಕಿ ಜಡಗಿನಕೊಪ್ಪ ನಿವಾಸಿ ಸುರೇಖ ಅಣ್ಣಪ್ಪ ಸಿದ್ದಿ  …20 ಸಾವಿರ , ಹೊಸಳ್ಳಿ ಕಾರೆವಾಡ ನಿವಾಸಿ ಜಗ್ಗು ಬಾಬು ಕೊಕರೆ…25 ಸಾವಿರ ಹಾಗು ಅಲ್ಕೇರಿ ನಿವಾಸಿ ಸಾಜು ಬಾಬು ಜೋರೆ..20 ಸಾವಿರ ನೀಡುವಂತೆ ಮಾನ್ಯ ನ್ಯಾಯಾಲಯ ದಂಡ ವಿಧಿಸಿದೆ.

ಪೋಷಕರಿಗೆ ಪಾಠ- ಇತರೆ ಪೋಷಕರಿಗೆ ಜಾಗೃತಿ : ಇತ್ತೀಚಿನ ದಿನಗಳಲ್ಲಿ ಅಪ್ರಾಪ್ತ ವಯಸ್ಸಿನ ಮಕ್ಕಳು ಬೈಕ್ ಚಲಾಯಿಸುವ ಗೀಳು ಹೆಚ್ಚಾಗಿ ಹಚ್ಚಿಕೊಂಡಿದ್ದು ಇದರಿಂದ ಅಲ್ಲಲ್ಲಿ ಅವಘಡಗಳು ಸಂಭವಿಸುತ್ತಿದೆ. ಇದರಿಂದ ಕಟ್ಟು ನಿಟ್ಟಿನ ಕ್ರಮ ಜರುಗಿಸುತ್ತಿರುವ ಯಲ್ಲಾಪುರ ಪೊಲೀಸರು ಅಂತಹ ಪ್ರಕರಣಗಳಲ್ಲಿ ಪೋಷಕರಿಗೆ ಬಿಸಿ ಮುಟ್ಟುವಂತೆ ದಂಡ ವಿಧಿಸಲಾಗುತ್ತಿದೆ. ಕಟ್ಟುವ ದಂಡದ ಪ್ರಮಾಣ ಚಲಾಯಿಸುವ ಬೈಕ್ ಬೆಲೆಗಿಂತ ಹೆಚ್ಚೆ ಆಗಿದ್ದರು ಕಾನೂನಿನ ಅಡಿಯಲ್ಲಿ ಅಪ್ರಾಪ್ತ ವಯಸ್ಸಿನ ಮಕ್ಕಳು ಅನಧಿಕೃತವಾಗಿ ಚಾಲನ ಪರವಾನಗಿ ಇಲ್ಲದೆ ಬೈಕ್ ಚಲಾಯಿಸುವುದು ಶಿಕ್ಷಾರ್ಹ ಅಪರಾಧ ಎಂಬುದನ್ನು ಮನದಟ್ಟು ಮಾಡಿಕೊಳ್ಳುವ ಜೊತೆಗೆ ಈ ಪ್ರಕರಣ ತಿಳಿದ ಇತರೆ ಪೋಷಕರು ಮಕ್ಕಳ ಕೈಗೆ ಬೈಕ್ ನೀಡುವ ತಪ್ಪು ಮಾಡಲಾರರು ಎಂಬುದು ಈ ದಂಡದ ಉದ್ದೇಶವಾಗಿದೆ.
ಒಟ್ಟಿನಲ್ಲಿ ಮಕ್ಕಳ ಬೈಕ್ ಓಡಿಸುವ ಚಟಕ್ಕೆ ಪೋಷಕರ ಜೇಬಿಗೆ ಕತ್ತರಿ ಬೀಳುತ್ತಿರುವುದಂತು ಕಟು ಸತ್ಯವಾಗಿದೆ.
ಎಚ್ಚೆತ್ತುಕೊಳ್ಳಿ ನಾಗರಿಕರೆ.
ನಿಮ್ಮ ಮಕ್ಕಳ ಸುರಕ್ಷತೆ ದೃಷ್ಟಿಯಿಂದ ಅಪ್ರಾಪ್ತ ಮಕ್ಕಳ ಕೈಗೆ ಬೈಕ್ ಕೊಡದಿರಿ. ಇಷ್ಟೊಂದು ಪ್ರಮಾಣದ ದಂಡ ಕಟ್ಟವ ಸಂಕಷ್ಟಕ್ಕೆ ಸಿಲುಕದಿರಿ.
ಕಾನೂನನ್ನು ಗೌರವಿಸೋಣ ಮತ್ತು ಪಾಲಿಸೋಣ.
ಇದು ಪ್ರತಿಧ್ವನಿ ಕಳಕಳಿ