Prathidvani Yellapura
Related Articles
ಯಲ್ಲಾಪುರ ಗ್ರಾಮದೇವಿ ಅನುಗ್ರಹದಲ್ಲಿ ಶ್ಯಾಮಲಾ ನಾಗೇಶ್ ಲೇಖನಿಯಲ್ಲಿ
ಪ್ರತಿಧ್ವನಿ,ಯಲ್ಲಾಪುರ : ಪಟ್ಟಣದ ಅರಣ್ಯ ಸಭಾಭವನದಲ್ಲಿ ಯಲ್ಲಾಪುರ ವಿಭಾಗದ ಅಧಿಕಾರಿ ಸಿಬ್ಬಂದಿಗಳಿಗೆ ಹಾಗೂ ಅವರ ಕುಟುಂಬ ವರ್ಗದವರಿಗೆ ಆರೋಗ್ಯ ತಪಾಸಣಾ ಹಾಗೂ ರಕ್ತದಾನ ಶಿಬಿರವನ್ನು ಶಿರಸಿಯ ಟಿಎಸ್ಎಸ್ ಆಸ್ಪತ್ರೆಯ ಸಹಯೋಗದಲ್ಲಿ ಹಮ್ಮಿಕೊಳ್ಳಲಾಗಿತ್ತು.
ಕಾರ್ಯಕ್ರಮವನ್ನು ಯಲ್ಲಾಪುರ ವಿಭಾಗದ ಉಪ ಅರಣ್ಯ ಸಂರಕ್ಷಣಾಧಿಕಾರಿ ಎಸ್ ಜಿ ಹೆಗಡೆ ರವರು ಉದ್ಘಾಟಿಸಿ ಪ್ರಾಸ್ತಾವಿಕವಾಗಿ ಮಾತನಾಡಿದರು.
ಕಾರ್ಯಕ್ರಮದ ಮುಖ್ಯ ಅತಿಥಿಗಳಾಗಿ ಆಗಮಿಸಿದ್ದ ಟಿಎಸ್ಎಸ್ ಆಸ್ಪತ್ರೆಯ ಮುಖ್ಯ ಆಡಳಿತ ಅಧಿಕಾರಿಗಳಾದ ಡಾ. ಜೆ ಬಿ ಕಾರಂತ್ ರವರು ಅಧಿಕಾರಿ ಹಾಗೂ ಇಲಾಖೆಯ ಮುಂಚೂಣಿ ಸಿಬ್ಬಂದಿಗಳು ಇಲಾಖೆಯ ಕರ್ತವ್ಯ ನಿರ್ವಹಿಸುತ್ತಿರುವಾಗ ಹೊಂದಿರಬೇಕಾದ ದೈಹಿಕ ಹಾಗೂ ಮಾನಸಿಕ ಕ್ಷಮತೆಯ ಬಗ್ಗೆ ಉಪನ್ಯಾಸ ನೀಡಿದರು.
ನಂತರ ನಡೆದ ಆರೋಗ್ಯ ತಪಾಸಣೆಯ ಶಿಬಿರದಲ್ಲಿ ಡಾ. ಅರುಣ್ ಶೆಟ್ಟಿ ಎಲುಬು ಮತ್ತು ಕೀಲು ಶಸ್ತ್ರ ಚಿಕಿತ್ಸಕರು, ಡಾ. ಆಶಿಶ್ ಜನ್ನು ಶಿಶು ಮತ್ತು ಮಕ್ಕಳ ತಜ್ಞರು, ಡಾ. ಅರವಿಂದ್ ಆಯುರ್ವೇದಿಕ್ ತಜ್ಞರು, ಡಾ. ಮಮತಾ ಆಯುರ್ವೇದಿಕ್ ತಜ್ಞರು, ಡಾ. ಪಿ ಎಸ್ ಹೆಗಡೆ ರಕ್ತ ನಿಧಿ ಅಧಿಕಾರಿಗಳು, ಹಾಗೂ ನೇತ್ರ ತಜ್ಞರು ಮತ್ತು ಇತರೆ ವೈದ್ಯಕೀಯ ಸಿಬ್ಬಂದಿಗಳು ಪಾಲ್ಗೊಂಡಿದ್ದರು.
ಸದರಿ ಶಿಬಿರದಲ್ಲಿ ಯಲ್ಲಾಪುರ ವಿಭಾಗದ ಎಲ್ಲಾ ಸಹಾಯಕ ಅರಣ್ಯ ಸಂರಕ್ಷಣಾಧಿಕಾರಿಗಳು, ವಲಯ ಅರಣ್ಯ ಅಧಿಕಾರಿಗಳು, ಉಪವಲಯ ಅರಣ್ಯ ಅಧಿಕಾರಿಗಳು, ಗಸ್ತು ಅರಣ್ಯ ಪಾಲಕರು, ಕಚೇರಿ ಸಿಬ್ಬಂದಿಗಳು, ಕ್ಷೇಮಾಭಿವೃದ್ಧಿ ನೌಕರರು, ವಾಹನ ಚಾಲಕರು, ಪಿಸಿಪಿ ಅರಣ್ಯ ವೀಕ್ಷಕರು ,ಹಾಗೂ ಅವರ ಅವರ ಕುಟುಂಬದವರು ಭಾಗವಹಿಸಿದ್ದರು.
ಮುಖ್ಯವಾಗಿ ಸಕ್ಕರೆ ಕಾಯಿಲೆ, ರಕ್ತದ ರಕ್ತದೊತ್ತಡ, ಹೃದಯ ಸಂಬAಧಿ ಕಾಯಿಲೆಗಳು, ನೇತ್ರ ಚಿಕಿತ್ಸೆ, ಬಗ್ಗೆ ಪರೀಕ್ಷೆ ಹಾಗೂ ಸೂಕ್ತ ಸಲಹೆ ಪಡೆದುಕೊಂಡರು.
ಸದರಿ ಶಿಬಿರದಲ್ಲಿ 36 ಜನ ಅಧಿಕಾರಿ ಸಿಬ್ಬಂದಿಗಳು ರಕ್ತದಾನ ಮಾಡಿದರು. ಶಿಬಿರದಲ್ಲಿ ಮುಂಚೂಣಿ ಸಿಬ್ಬಂದಿಗಳು ಹಾಗೂ ಅವರ ಕುಟುಂಬದವರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿ ಸದುಪಯೋಗ ಪಡೆದುಕೊಂಡುರು.
