Prathidvani Yellapura
Related Articles
ಯಲ್ಲಾಪುರ ಗ್ರಾಮದೇವಿ ಅನುಗ್ರಹದಲ್ಲಿ ಶ್ಯಾಮಲಾ ನಾಗೇಶ್ ಲೇಖನಿಯಲ್ಲಿ ಪ್ರತಿಧ್ವನಿ ಯಲ್ಲಾಪುರ
ಪ್ರತಿಧ್ವನಿ ಯಲ್ಲಾಪುರ : ಪಟ್ಟಣದ ಪ್ರಥಮದರ್ಜೆ ಕಾಲೇಜು ವಿದ್ಯಾರ್ಥಿಗಳು ಶನಿವಾರ ಬೆಳ್ಳಂ ಬೆಳಗ್ಗೆ ಪಾಠ ಪ್ರವಚನ ಬಹಿಷ್ಕರಿಸಿ ಕಾಲೇಜು ಪ್ರಾಂಶುಪಾಲೆ ಭವ್ಯ ಸಿ ವಿರುದ್ದ ಕಾಲೇಜು ದ್ವಾರ ಬಾಗಿಲಲ್ಲಿ ಕುಳಿತು ಮೌನ ಪ್ರತಿಭಟನೆ ನಡೆಸಿ ಪ್ರಾಂಶುಪಾಲರ ವಿರುದ್ದ ಅಸಮಧಾನ ಹೊರಹಾಕಿದರು.
ಕಳೆದೆರಡು ತಿಂಗಳುಗಳಿದ ಸುಪ್ತವಾಗಿದ್ದ ಅಸಮಧಾನ ಒಮ್ಮೆಲೆ ಹೊರ ಹೊಮ್ಮಿದೆ ಶುಕ್ರವಾರ ಉಪನ್ಯಾಸಕಿ ಸುರೇಖ ತಡವಾಲ ಶಾಲೆಯಲ್ಲಿಯೆ ಕುಸಿದು ಬಿದ್ದ ಪರಿಣಾಮ ವಿದ್ಯಾರ್ಥಿಗಳು ಪೊಲೀಸರ ಗಮನಕ್ಕು ಹಾಗು ಶಾಸಕರ ಗಮನಕ್ಕೆ ತಂದು ಆಸ್ಪತ್ರೆಗೆ ದಾಖಲಿಸಿ ಉಪನ್ಯಾಸಕಿಗೆ ಚಿಕಿತ್ಸೆ ಕೊಡಿಸಿದ್ದರು.
ಶನಿವಾರ ಬೆಳಗ್ಗೆ ಕಾಲೇಜು ಪ್ರಾರಂಭವಾಗುತ್ತಿದ್ದಂತೆ ವಿದ್ಯಾರ್ಥಿ/ವಿದ್ಯಾರ್ಥಿನಿಯರು ಕಾಲೇಜಿನ ದ್ವಾರ ಬಾಗಿಲಲ್ಲಿ ದಿಡೀರ್ ಧರಣಿ ಮೂಲಕ ಮೌನ ಪ್ರತಿಭಟನೆ ಮಾಡಿದರು. ಒಂದು ಹಂತದಲ್ಲಿ ಶಾಸಕ ಶಿವರಾಮ ಹೆಬ್ಬಾರ್ ಸ್ಥಳಕ್ಕಾಗಮಿಸದೆ ಪ್ರತಿಭಟನೆಯಿಂದ ಹಿಂದೆ ಸರಿಯುವುದಿಲ್ಲ ಎನ್ನುತ್ತಿದ್ದ ವಿದ್ಯಾರ್ಥಿಗಳಿಗೆ ಶಾಸಕರು ಅನ್ಯ ಕಾರ್ಯ ನಿಮಿತ್ತ ಊರಿಂದ ಹೊರಗಿದ್ದು ವಿಷಯ ತಿಳಿದು ಶೀಘ್ರದಲ್ಲೇ ಸಮಸ್ಯೆ ಬಗೆಹರಿಸುವುದಾಗಿ ಮಾಹಿತಿ ರವಾನಿಸಿದ ಕಾರಣ ಪ್ರತಿಭಟನೆ ಕೈಬಿಟ್ಟರು.
ತಮ್ಮ ಅಸಮಧಾನಗಳ ಪಟ್ಟಿ ಮಾಡಿ ಮನವಿ ಪತ್ರದ ಮೂಲಕ ಶಿಕ್ಷಣ ಸಚಿವರಿಗೆ ನೀಡುವ ಸಲುವಾಗಿ ತಹಸೀಲ್ದಾರ ಕಚೇರಿಗೆ ಆಗಮಿಸಿ ತಹಸೀಲ್ದಾರ ಗುರುರಾಜ ಅವರಿಗೆ ಮನವಿ ನೀಡಿದರು.
ಮನವಿ ಸ್ವೀಕರಿಸಿದ ತಹಸೀಲ್ದಾರ ಗುರುರಾಜ ಸಮಸ್ಯೆಯ ಕುರಿತು ಪರಿಶೀಲಿಸಿ ಮನವಿಯನ್ನು ಸಂಬಂಧಿಸಿದವರಿಗೆ ತಲುಪಿಸುವುದಾಗಿ ಭರವಸೆ ನೀಡಿದರು.
ಪ್ರಥಮ ದರ್ಜೆ ಕಾಲೇಜಿನ ಸಮಸ್ಯೆ ನನ್ನ ಗಮನಕ್ಕೆ ಬಂದಿದ್ದು ಶೈಕ್ಷಣಿಕ ವಾತಾವರಣ ಕೆಡದಂತೆ ಶೀಘ್ರವೇ ಸಮಸ್ಯೆ ಬಗೆಹರಿಸಲಾಗುವುದು. ದಸರಾ ರಜೆಯ ಸಮಯವಾಗಿರುವುದರಿಂದ ಮುಗಿದ ತಕ್ಷಣ ಸಭೆ ಕರೆದು ಇತ್ಯರ್ಥ ಪಡಿಸಲಾಗುವುದು. ಅನ್ಯ ಕಾರ್ಯ ನಿಮಿತ್ತ ಊರಿಂದ ಹೊರಗಿರುವುದರಿಂದ ಕಾಲೇಜಿಗೆ ಭೇಟಿ ನೀಡಲು ಸಾಧ್ಯವಾಗಿಲ್ಲ. ಆದರೆ ಸಂಬAಧಪಟ್ಟವರಿಗೆ ಮಾಹಿತಿ ರವಾನಿಸಿದ್ದೇನೆ. ಶಿವರಾಮ ಹೆಬ್ಬಾರ್, ಶಾಸಕರು, ಯಲ್ಲಾಪುರ ವಿಧಾನಸಭಾ ಕ್ಷೇತ್ರ
ವಿದ್ಯಾರ್ಥಿಗಳು ಪ್ರತಿಭಟನೆ ನಡೆಸುತ್ತಿದ್ದ ಕಾಲೇಜಿನ ಬಳಿ ಪ್ರಾಚಾರ್ಯೆ ಭವ್ಯ ಸಿ ಅವರನ್ನು ಕರಾವಳಿ ಮುಂಜಾವು ಪ್ರತಿನಿಧಿ ಮಾತನಾಡಿಸಿ ಪ್ರತಿಕ್ರಿಯೆ ಕೇಳಿದಾಗ ತಾನು ೩ ತಿಂಗಳಿನಿಂದ ಜವಾಬ್ದಾರಿ ವಹಿಸಿಕೊಂಡು ಮಕ್ಕಳ ಶೈಕ್ಷಣಿಕ ಸಂಬಂಧ ಹಲವು ನಿಯಮಗಳನ್ನು ಅಳವಡಿಸಿದ್ದೇನೆ. ಮತ್ತು ಶಾಲಾ ಅವಧಿಯಲ್ಲಿ ಹೊರಹೋಗುವುದು, ತರಗತಿಗಳಿಗೆ ಗೈರಾಗುವುದು ತಪ್ಪಿಸಲು ಕಾಲೇಜು ನಿಯಮಾವಳಿಗಳ ಅನುಸಾರವಾಗಿಯೇ ವಿದ್ಯಾರ್ಥಿಗಳೊಂದಿಗಾಗಲೀ ಅಧ್ಯಾಪಕರೊಂದಿಗಾಗಲೀ ನಡೆದುಕೊಂಡಿದ್ದೇನೆ. ಯಾರದೋ ಪಿತೂರಿಯಿಂದ ವಿದ್ಯಾರ್ಥಿಗಳನ್ನು ನನ್ನ ಮೇಲೆ ಎತ್ತಿಕಟ್ಟಿ , ಕಾಲೇಜಿನ ವಾತಾವರಣವನ್ನು ಕಲುಷಿತಗೊಳಿಸಲು ಪ್ರಯತ್ನಿಸುತ್ತಿರುವುದು ವಿಷಾಧನೀಯ. ಈ ಸಂಬಂಧ ಶಾಸಕರು ಮತ್ತು ಕಾಲೇಜಿಗೆ ಸಂಬಂಧಿಸಿದ ಮೇಲಾಧಿಕಾರಿಗಳ ಗಮನಕ್ಕೂ ತಂದಿದ್ದೇನೆ. – ಭವ್ಯಾ ಸಿ, ಪ್ರಾಂಶುಪಾಲರು, ಯಲ್ಲಾಪುರ ಪ್ರ.ದ.ಕಾಲೇಜು
